काठमाडौँ । सुमित्रा केसी । कुनै बेला काठमाडौँमा खुब चलेको रेकर्डिङ स्टुडियोको मालिक थिइन् । घर थियो, गाडी थियो र जीवन मज्जैसँग चलिरहेको थियो । तर देशमा तत्कालीन माओवादी युद्ध चलिरहेको थियो र सरकारले संकटकाल घोषणा गरेको थियो । रेकर्डिङ स्टुडियो ठुलो बनाउने, अझ राम्रो काम गर्ने भनेर उनका श्रीमानले तत्कालिन कृषि बिकास बैंकबाट १९ लाख ९० हजार ऋण लिए । नलिउँ ऋण, यो लाइनमै नलागौं भनेर श्रीमतीले बिन्ती गर्दा पनि श्रीमान्ले मानेनन् र ऋण लिए ।
यस्तैमा तत्कालीन साही नेपाली सेनाले स्टुडियोमा माओवादीको गीत रेकर्ड गरिएको भन्दै उनको स्टुडियोमा छापा मार्यो र उनका कर्मचारीहरुलाई बेपत्ता बनायो । बेपत्ता भएकाहरुमध्ये केहि बाँच्न सफल भए त केहिलाई तत्कालीन साही नेपाली सेनाले मार्यो । उनको स्टुडियोबाट सेनाले मान्छे लगेर मारेको भन्दै मृतक परिवार उनको पछि लाग्यो ।
त्यसपछि उनलाई ठुलो बोझले थिच्यो । कमाउने आफ्ना श्रीमान् पनि बेपत्ता भए, चलेको स्टुडियो बन्द भयो, र आफ्ना कर्मचारीहरुलाई सेनाले मारेपछि ती परिवारको रेखदेखको जिम्मा उनकै भयो । कालिका सन्तानको रेखदेख, पालनपोषण त गर्नु नै थियो । यसरी दिन चलिरहे । तर एक्कासी कृषि बिकास बैंक लिमिटेडले भएको आफ्नो घर लिलाम गर्ने भयो । यो बीचमा उनले घर किन्ने मान्छे खोजिन्, गएर केहि पैसा तिर्छु भनिन् तर बैंकले नमानेको उनको आरोप छ । जसरी पनि घर लिलामी गर्ने दुरासयका साथ आफुलाई दुख दिएको उनको तर्क छ।
देशमा द्वन्दपीडीतहरुलाई भनेर अरवौंको रकम खर्च भयो । पटक पटक ऋण मिनाहाका कुरा पनि चल्यो । तर सत्ताले उनको दुख देखेन र बैंकले घर लिलामी गर्यो । ऋण तिर्छु भन्दा बैंकले थोरै थोरै पैसा लिएन, एकैपटक तिर्न पैसा थिएन । घरी मेनेजरका भाइ घर हेर्न आए, त घरी मुद्धा परिरहेको बेलामा घर खाली गर्न भनियो । २०५९ उनका श्रीमानले १९ लाख ९० हजार ऋण लिएका थिए । कहिले ५३ लाख पुग्यो, कहिले ८० लाख पुग्यो भन्दै अन्तत : १ करोड ८ लाख रुपैयाँ ऋण र सोको ब्याज पुगेको भन्दै उनको घर लिलामी भयो । उनको आधा रोपनीमा सिनामंगलको निकै राम्रो ठाउँमा भएको झन्डै ५ करोड रुपैयाँ जाने घर १ करोड ८८ लाखमा सकारेर उनलाई ८० लाख दिने भनेको छ बैंकले । कुनै बेला झन्डै २० लाख लिएर फसेको अहिले ५ करोड मूल्य पर्ने घर १ करोड ८८ लाखमा लिलाम भएर आफ्नो हातमा ८० लाखमात्र पर्ने भएपछी उनलाई जीवन नै सकिएको अनुभव भएको छ । बाँकी यो भिडियोमा हेरौँ ।